Халық әртісі Майра Ілиясованың шеберлік сағаты өтті
Мұқан Төлебаев атындағы музыкалық колледжде қазақ эстрадасының бірегей тұлғасы, Қазақстан Республикасының халық әртісі Майра Ілиясованың қатысуымен шеберлік сағаты өтті.
Кездесуге колледждің дарынды студенттері мен жергілікті өнерпаздар қатысты. Шара барысында Майра Ілиясова өз шығармашылық жолы, орындаушылық шеберлігі мен сахналық мәдениетінің қыр-сырымен бөлісіп, тәжірибесін ортаға салды.
Жас өнерпаздар өнер майталманынан тың мәлімет алып, көкейлеріндегі сауалдарына тікелей жауап алу мүмкіндігіне ие болды.
Осындай игі шаралар жас таланттардың шабытын оятып, олардың шығармашылық ізденісіне жаңа серпін береді.
