Саясат – Semeinews.kz – главные новости города Семей, Казахстана и мира

Тоқаев Руанда президентіне құттықтау жеделхатын жолдады

sn2023 — Wed, 02 Jul 2025 04:56:54 +0000

Мемлекет басшысы Руанда Республикасының Президентіне құттықтау жеделхатын жолдады, – деп хабарлайды Tengrinews.kz тілшісі Ақордаға сілтеме жасап.

Президент Қасым-Жомарт Тоқаев Поль Кагамены Руанда Республикасының Тәуелсіздік күнімен құттықтады.

“Біз еліңізді Африка құрлығындағы сенімді әрі маңызды серіктестеріміздің бірі ретінде қарастырамыз. Бұл тұста, Қазақстан мен Руанда арасындағы достық пен өзара түсіністікке негізделген қатынастардың тұғыры берік, әлеуеті зор екенін ерекше қанағатпен атап өтемін”, – деп жазылған жеделхатта.

“Ұлттық қор – балаларға“: әр бала қанша ақша алды?

sn2023 — Fri, 27 Jun 2025 09:14:27 +0000

Қаржы министрі Мәди Тәкиев “Ұлттық қор – балаларға” жобасы аясында әр қазақстандық балаға қанша қаражат аударылғанын айтты, – деп хабарлайды Tengrinews.kz тілшісі.

Бүгін Парламент палаталарының бірлескен отырысында депутаттар Үкімет пен Жоғары аудиторлық палатаның 2024 жылғы республикалық бюджеттің орындалуы туралы есептерін тыңдады. Мәди Тәкиевтің айтуынша, былтыр Ұлттық қордың активтері 16 пайызға өсіп, 66,2 миллиард доллар болған.

“Ұлттық қор – балаларға” бағдарламасы бойынша екі жыл ішінде шамамен 7 миллион баланың әрқайсына 233 доллардан аударылды”, – деді министр.

2024 жылы ЖІӨ 4,8 пайызға өсті. Негізінен өсім мұнайға қатысы жоқ сектор есебінен қамтамасыз етілді. Биылғы 5 айдың қорытындысы бойынша ЖІӨ 6 пайызға артқан.

Былтыр біріктірілген бюджеттегі мұнайға қатысы жоқ кірістердің үлесі 2,5 пайыздық тармаққа өсті.

Тәкиевтің айтуынша, инфляция 9,8 пайыздан 8,6 пайызға дейін төмендеді. Бюджет тапшылығы 3,6 триллион теңге немесе ЖІӨ-нің 2,7 пайызы болды. Мемлекеттік қарыз 31,8 триллион теңгеге жетіп, ЖІӨ-нің 23,7 пайызына тең болды.

Абай облысында жаңа тарифтік саясат аясында су тұтынуға әлеуметтік нормалар енгізілуде

sn2023 — Tue, 24 Jun 2025 10:14:21 +0000

Абай облысында табиғи монополиялар саласында «Тарифті инвестицияға айырбастау» қағидаты негізінде жаңа тарифтік саясат жүзеге асырылуда. Бұл туралы өңірлік коммуникациялар қызметі алаңында өткен баспасөз мәслихатында Табиғи монополияларды реттеу комитетінің облыстық департаментінің басшысы Мейір Мадиев мәлімдеді. – 2025 жылы облыстың тұрғын үй-коммуналдық шаруашылық саласына тариф есебінен 70,6 млрд теңге көлемінде инвестиция тартылған. Электр энергиясын беру саласында «Энерго Инвест» ЖШС арқылы 9,9 млн теңге инвестиция тартылып, желілердің тозуы 37,2%-дан 1,71%-ға дейін төмендейді деп күтілуде. Су беру және бұру бағытында да ірі жобалар іске асырылып жатыр. «Семей Водоканал», «Курчатов Водоканал» мекемелері арқылы бірнеше жүз миллион теңге инвестиция салу есебінен тозу деңгейін айтарлықтай азайту жоспарланған. Сонымен қатар, су құбырларын жаңғыртуға бюджеттен 2,7 млрд теңге бөлінді, – деді департамент басшысы.

2025 жылы облыстың тұрғын үй-коммуналдық шаруашылық саласына тариф есебінен 70,6 млрд теңге көлемінде инвестиция тартылған. Электр энергиясын беру саласында «Энерго Инвест» ЖШС арқылы 9,9 млн теңге инвестиция тартылып, желілердің тозуы 37,2%-дан 1,71%-ға дейін төмендейді деп күтілуде. Су беру және бұру бағытында да ірі жобалар іске асырылып жатыр. «Семей Водоканал», «Курчатов Водоканал» мекемелері арқылы бірнеше жүз миллион теңге инвестиция салу есебінен тозу деңгейін айтарлықтай азайту жоспарланған. Сонымен қатар, су құбырларын жаңғыртуға бюджеттен 2,7 млрд теңге бөлінді, – деді департамент басшысы.

Спикердің айтуынша, су тұтыну тәртібіне енгізілген әлеуметтік нормаларға да тоқталды. Енді суды тұтыну көлемі төрт топқа бөлінеді: I топ – 3 м³ дейін – базалық тариф, II топ – 3–5 м³ – +20%, III топ – 5–10 м³ – +50%, IV топ – 10 м³ жоғары және есептегішсіз – +100%.

Жаңа жүйе нақты тұратын адамдар санына байланысты есептеледі. Сондықтан әрбір тұрғынның тіркелуі, есептегіш орнатуы және ай сайын деректерді тапсыруы маңызды.Бүгінде бұл жүйе «Семей Водоканал», «Аягөз Жылу», «Көкпекті» және өзге де мекемелерде іске қосылды. Су – тек коммуналдық ресурс емес, ол – шектеулі әрі құнды табиғи байлық. Сондықтан оны ұқыпты пайдалану – әр азаматтың міндеті, – деп түйіндеді Мейір Мадиев.

Астана Си Цзиньпиннің сапарына дайындалып жатыр

sn2023 — Mon, 16 Jun 2025 06:27:11 +0000

Қазақстан астанасы Қытай Халық Республикасының төрағасы Си Цзиньпиннің ресми сапарына дайындалып жатыр, – деп хабарлайды Tengrinews.kz тілшісі.

16-17 маусым күндері Мемлекет басшысы Қасым-Жомарт Тоқаевтың шақыруымен Қазақстанға Қытай Халық Республикасының Төрағасы Си Цзиньпин келеді.

Құрметті қонақтың сапарына орай Астананың басты көшелеріне екі елдің тулары ілінген.

Елордада күшейтілген қауіпсіздік шаралары енгізіліп, кейбір көшелер жабылды.

Жүргізушілер мен жаяу жүргіншілерге жол қозғалысындағы өзгерістерді ескере отырып, бағыттарын алдын ала жоспарлауға кеңес беріледі. Қауіпсіздікті қамтамасыз ету және қолайсыздықтарды азайту мақсатында жолдарға уақытша белгілер мен көрсеткіштер орнатылады.

Тоқаев ExxonMobil басшысын қабылдады

sn2023 — Mon, 16 Jun 2025 05:39:42 +0000

Мемлекет басшысы ExxonMobil корпорациясының басқарма төрағасы және бас атқарушы директоры Даррен Вудсты қабылдады, – деп хабарлайды Tengrinews.kz тілшісі Ақордаға сілтеме жасап.

Кездесуде энергетика және мұнай-газ салаларындағы инвестициялық жобаларды жүзеге асырудың қазіргі жай-күйі мен перспективасы талқыланды.

Қасым-Жомарт Тоқаев ExxonMobil корпорациясының ел экономикасын дамытуға қосқан үлесіне жоғары баға берді. Сонымен қатар аталған компанияны Қазақстанның энергетика секторындағы негізгі әрі сенімді серіктестерінің бірі ретінде атады

Президент мұнай-газ саласындағы бірлескен қызмет аясында көмірсутегі өндірісінің көлемін ұлғайтуға бағытталған жобаларды жүзеге асырудың маңызына тоқталды. Сонымен қатар еліміз корпорациямен ықпалдастықты одан әрі тереңдетуге және өндірістің тиімділігін арттыруға мүдделі екенін айтты.

Даррен Вудс Теңіз, Қашаған және Каспий құбыр консорциумы жобаларын табысты жүзеге асыруға қолайлы жағдай жасағаны үшін ризашылығын білдірді.