Биткоин бағасы рекордты жаңартты
Bitcoin бағасы алғаш рет 119 мың АҚШ долларынан асып, жаңа тарихи рекорд орнатты, – деп хабарлайды Tengrinews.kz тілшісі CoinMarketCap платформасындағы деректерге сілтеме жасап.
Астана уақытымен сағат 8:30-дағы мәлімет бойынша, биткоин бағамы 119 947 долларды құрап, соңғы тәулікте 1,83 пайызға өсті. Біраз уақыттан кейін биткоин бағасы алғаш рет тарихта 120 мың доллардан асты.
Еске салайық, бұған дейінгі рекорд 10 шілде, жұма күні тіркелген еді — ол кезде биткойн бағасы 117 мың доллардан асып кеткен болатын.
